Gunnar Nelson berst annað kvöld á UFC bardagakvöldinu í London. Spámaður helgarinnar fyrir bardagana er ljósmyndarinn Snorri Björns.
Snorri Björns er ljósmyndari og einn vinsælasti Snappari landsins. Snorri er nú staddur í London þar sem hann myndar Gunnar. Snorri hefur fylgst með MMA undanfarin fjögur til fimm ár en við skulum gefa honum orðið.
Ég byrjaði að fylgjast með Gunna auðvitað. Svo fylgdi ég þessu Conor æði en tók það aðeins meira advanced. Conor lífgaði massíft upp á sportið, svona ofan á það sem maður var að sjá með Gunna og öllum þessum Íslendingum sem voru að gera eitthvað. Eftir það byrjaði ég að kafa aðeins dýpra í þetta og horfa á alla bardagana á cardinu áður en Conor eða Gunni kepptu.
Fjaðurvigt: Makwan Amirkhani gegn Arnold Allen
Sá hann Makwan í gær [miðvikudag] æfa. Hann var flottur, veit ekkert hver andstæðingurinn hans er. Ég var að fara yfir það með Gunna áðan, eða Gunni var að fara yfir það með mér (hlær), að þetta væri submission hjá Makwan. Ef ég þekki hann rétt tekur hann þetta í 2. lotu.
Bantamvigt: Brad Pickett vs. Marlon Vera
Sá að Twitter handlið hans Pickett er One_punch, þannig að ég ætla að segja að hann taki TKO. Veit ekkert hver hinn er en ég vil bara að Pickett vinni þetta af því að hann er að taka síðasta bardagann sinn og hann var með hundinn sinn í scrumminu í dag. TKO í 2. lotu.
Veltivigt: Gunnar Nelson gegn Alan Jouban
Þegar ég var nýkominn til Írlands í Dublin, búinn að labba í einn og hálfan tíma frá hótelinu og í SBG gymmið, þá kem ég að gymminu og það er lokað. En ég heyri í Magga [Magnús Ingi Ingvarsson] en hann og Bjarki Þór Pálsson voru þá á Farmhouse veitingastaðnum nálægt gymminu. Tek stöðuna á þeim og hvernig Gunni er og svona.
Bjarki Þór var brosandi og spenntur og sagði að Gunni væri í besta formi sem hann hafði séð hann í og að þetta verði rear naked choke í 1. lotu. Og ég ætla að giska á það líka. Ég var svo sannfærður hvernig Bjarki sagði þetta. Hann var bara svona amazed sjálfur! Gunni eftir rear naked choke í 1. lotu.
Léttþungavigt: Jimi Manuwa gegn Corey Anderson
Veit bara hver Jimi Manuwa er. Hann var líka í rútunni áðan [í gær], hann var mjög þykkur og í þröngum Louis Viutton vínrauðum bol, mér leist strax vel á hann. Gunni segir að hann sé höggþungur. Mér finnst samt alltaf allir fighterar sem ég fylgist með og finnst spennandi og vil sjá eitthvað amazing gerast, þá verður aldrei neitt amazing úr því. En ætla samt að segja að það verði TKO hjá Manuwa í 3. lotu.
