Hinn 18 ára James ‘The Strabanimal’ Gallagher hefur margoft dvalið hér á landi við æfingar í Mjölni. Við gerðum stuttan heimildarþátt um kappann þar sem hann talar um æfingarnar hér á landi, hvernig hann byrjaði í MMA og samband hans við John Kavanagh.
Gallagher er um þessar mundir í glæsivillu Conor McGregor í Las Vegas þar sem hann aðstoðar hann við undirbúning sinn fyrir UFC 189. Gallagher mun keppa á heimsmeistaramóti áhugamanna í MMA í júlí en hann keppir fyrir SBG í Írlandi. Mótið fer fram í Las Vegas og verður gaman að fylgjast með honum þar.
