Nú styttist heldur betur í bardaga Gunnars gegn Alex ‘Cowboy’ Oliveira. Gunnar náði vigt í morgun en í nýjasta Grindinu má sjá á bakvið tjöldin á miðvikudag og fimmtudag fyrir bardagann.
Bardaginn fer fram í Toronto í Kanada og hefur Gunnar dvalið þar síðan á föstudaginn. Á miðvikudaginn fór Gunnar í myndatöku fyrir UFC þar sem hann hitti Oliveira. Auk þess var Gunnar tekinn í viðtal við UFC sem er svo birt skömmu áður en Gunnar gengur inn í búrið.
Í bardagavikunni er mikið hangs og því fátt betra en að kíkja á góða kvikmynd. Nokkrar bíómyndir hafa orðið fyrir valinu í vikunni og gaf Gunnar myndunum einkunn.
Þá spjallaði Gunnar við fjölmiðla á fimmtudeginum og átti svo smá fund með UFC lýsendunum Jon Anik og Paul Felder sem munu lýsa bardaganum á laugardaginn ásamt Joe Rogan.
