UFC var rétt í þessu að staðfesta aðalbardaga kvöldsins í Liverpool. Eins og reiknað var með verða það þeir Darren Till og Stephen ‘Wonderboy’ Thompson í aðalbardaga kvöldsins.
Darren Till fær draumabardaga sinn í heimaborg sinni, Liverpool. Till hefur þrálátlega beðið um að fá Stephen Thompson eftir sigur sinn á Donald Cerrone í október.
Nokkrir fjölmiðlar greindu frá því í síðustu viku að þeir Till og Thompson myndu mætast í aðalbardaga kvöldsins en nú hefur UFC loksins staðfest bardagann.
IT’S ON!! @WonderBoyMMA vs. @DarrenTill2 is your #UFCLiverpool main event!
? https://t.co/zeTui4EOsW pic.twitter.com/dVoV0odK8B
— UFC Europe (@UFCEurope) March 29, 2018
Það stefnir því í ansi gott kvöld í Liverpool en eins og við greindum frá í gær mun Gunnar Nelson mæta Neil Magny í Liverpool þann 27. maí. Bardagi Gunnars og Magny verður næstsíðasti bardagi kvöldsins og verður 27. maí því stór dagur fyrir veltivigtina.
