0

Leiðin að búrinu: Bjarki Þór vs. Quamer Hussain

Bjarki Þór Pálsson mætir Quamer ‘Machida’ Hussain á laugardaginn í London. Bardaginn er aðalbardaginn á FightStar 12 Championship bardagakvöldinu en Evrópumeistaratitill FightStar er í húfi.

Bjarki Þór (3-0) barðist síðast í apríl þegar hann sigraði Alan Procter með tæknilegu rothöggi í 2. lotu. Bardaginn var endurat eftir að fyrri viðureign þeirra endaði með umdeildum hætti. Bjarki átti frábæra frammistöðu í apríl og ætlar nú að byggja ofan á það með sigri á Quamer Hussain (6-2).

Í þetta sinn mun Bjarki Þór ekki keppa fyrir hönd Mjölnis eins og undanfarin ár. Bjarki Þór og fleiri bardagamenn sögðu skilið við Mjölni til að stofna sinn eigin bardagaklúbb en í þetta sinn munu þeir keppa fyrir Íslands hönd.

Fyrir bardagann hefur Bjarki Þór verið að æfa víðs vegar um bæinn til að undirbúa sig sem best fyrir átökin. Hann hefur bætt boxið sitt í Hnefaleikastöðinni með Vilhjálmi Hernandez, æft Muay Thai með Þórði Bjarkar í VBC og verið í styrktarþjálfun hjá Ingu Birnu Ársælsdóttur í Mjölni.

Samtals munu sex Íslendingar keppa á FightStar 12 bardagakvöldinu nú á laugardaginn.

Bjarki Þór Pálsson (3-0) gegn Quamer ‘Machida’ Hussain (6-2)
Ingþór Örn Valdimarsson (0-1) gegn TBA
Bjarki ‘Big Red’ Pétursson (1-0) gegn Norbert Novenyi (2-0)
Þorgrímur ‘Baby Jesus’ Þorgrímsson (1-0) gegn Dalius Sulga (4-3)
Björn Þorleifur Þorleifsson (1-1) gegn John Sutton (0-0)
Magnús Ingi Ingvarsson (7-2-1) gegn Farukh Aligadjiev (5-0)

Hér að ofan má sjá Leiðina að búrinu fyrir bardaga Bjarka Þórs á laugardaginn.

Pétur Marinó Jónsson

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í 6 ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í 6 ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply