0

Donald Cerrone fær Kelvin Gastelum í New York

donald cerroneUFC hefur fundið nýjan bardaga fyrir Donald Cerrone í New York. Upphaflega átti Cerrone að mæta Robbie Lawler í draumabardaga en sá bardagi var sleginn af borðinu.

Robbie Lawler treysti sér ekki annan í bardaga svo skömmu eftir að hafa verið rotaður af Tyron Woodley í lok júlí. Cerrone er ólmur til í að berjast á bardagakvöldinu og mun hann að öllum líkindum fá Kelvin Gastelum.

Cerrone er 3-0 í veltivigtinni eftir að hafa barist lengst af í léttvigt með góðum árangri. Síðast sáum við hann klára Rick Story eftir frábæra fléttu og hefur hann sjaldan litið jafn vel út.

Kelvin Gastelum átti að mæta Jorge Masvidal þann 5. nóvember í Mexíkó en var færður í stærri bardaga í New York. Masvidal er afar ósáttur með þessar breytingu en hann mun fá nýjan andstæðing.

Þessi bardagi er kannski ekki alveg eins spennandi og viðureign Cerrone og Lawler hefði verið. Þetta er engu að síður góður bardagi enda Gastelum í 5. sæti styrkleikalistans og vann síðast Johny Hendricks.

UFC 205 fer fram í New York og má búast við risa bardagakvöldi. Bardagakvöldið fer fram þann 12. nóvember í Madison Square Garden en ekki er vitað hver verður í aðalbardaga kvöldsins.

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í 6 ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í 6 ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply

This site uses Akismet to reduce spam. Learn how your comment data is processed.