Á þessum degi fyrir 13 árum síðan mættust þeir Bob Sapp og Antonio ‘Big Nog’ Nogueira í Pride. Tæpur 70 kg munur var á köppunum er þeir mættust í þessum þungavigtarbardaga.
Á þessum tíma var Bob Sapp 2-0 í MMA og var þessi risavaxni maður greinilega duglegur að borða vítamínin sín. Big Nog var á sama tíma á toppi ferilsins og hafði sigrað 11 af 19 bardögum sínum með uppgjafartaki.
Bardaginn byrjaði þó ekki vel fyrir Big Nog þar sem Sapp lyfti honum hátt upp og skellti honum harkalega á kollinn. Hann náði þó að lifa af erfiða fyrstu mínútu og tókst að yfirbuga Sapp þegar skammt var eftir af bardaganum. Það markverðasta úr bardaganum má sjá í þessari klippu hér að neðan.
https://www.youtube.com/watch?v=5pDQIMxAC5M
