UFC hefur nú birt staðfesta uppröðun á bardögunum á UFC 194 á heimasíðu sinni. Gunnar verður á aðalhluta bardagakvöldsins líkt og á UFC 189.
Talið var að bardagi Gunnars og Maia myndi ekki vera á aðalhluta (e. main card) bardagakvöldsins heldur síðasti bardaginn áður en aðalhlutinn hæfist. Gunnar verður hins vegar á sama stað og síðast eða annar bardaginn á aðalhluta bardagakvöldsins.
Fimm bardaga aðalhluti bardagakvöldsins verður sýndur á Stöð 2 Sport og verður bardagi Gunnars að sjálfsögðu í beinni útsendingu. Aðalhluti bardagakvöldsins hefst kl 3 aðfaranótt sunnudags og ætti Gunnar því að byrja um 3:30.
Í aðalbardaga kvöldsins mætast þeir Conor McGregor og Jose Aldo en staðfest uppröðun bardagakvöldsins má sjá hér að neðan.
