Í öðrum hluta viðtals okkar við James Gallagher ræddum við m.a. um bardaga Conor McGregor og Nate Diaz sem fram fer í kvöld.
James Gallagher er meðvitaður um að MMA bransinn snýst ekki bara um að berjast vel heldur líka um að skemmta. Hann setur upp ákveðna ímynd af sér á samfélagsmiðlum sem er ólík framkomu hans dags daglega.
Sjá einnig: James Gallagher – Geri hvað sem er til að komast á toppinn
Hinn 19 ára James er á góðum samningi við Bellator og virðist hafa það mjög fínt miðað við marga jafnaldra sína. Hann er þó ákveðinn í að ná enn lengra enda ætlar hann að verða bestur í heiminum.
James er auðvitað spenntur fyrir bardaga æfingafélaga síns, Conor McGregor, í kvöld er hann mætir Nate Diaz. James hefur verið í sömu þolþjálfun og Conor og segir hann að það hafi breytt miklu fyrir sig og Conor auðvitað líka. James er sannfærður um að Conor muni slátra Nate Diaz í þetta sinn.
