Gunnar Nelson mætir Alex Oliveira á laugardaginn á UFC 231. Matthew Miller segir að hann hafi aldrei séð Gunnar jafn góðan og núna.
Matthew Miller er kanadískur glímuþjálfari sem hefur unnið með Gunnari undanfarin tvö ár. Miller var í kanadíska landsliðinu í ólympískri glímu og var glímuþjálfari hjá Tristar lengi vel þar sem menn á borð við Georges St. Pierre, Rory MacDonald og fleiri æfa.
Miller segir að það sé klisja en samt sannleikur að hann hafi aldrei séð Gunnar jafn góðan og núna. Miller segir að þeir hafi unnið saman í að fylla í smá holur í leik Gunnars í glímunni.
Miller segir að Gunnar verði meira en tilbúin í aggressívan stíl ‘Cowboy’ Oliviera á laugardaginn.
