Eins og við greindum frá í morgun mun Gunnar Nelson mæta Albert Tumenov á UFC bardagakvöldinu í Rotterdam í maí. Íslendingar eiga góðan séns á að næla sér í miða enda er miðasalan ekki byrjuð.
Gunnar Nelson hefur barist sína síðustu tvo bardaga í Las Vegas. Það er því kærkomin breyting fyrir íslenska bardagaaðdáendur að Gunnar skuli nú berjast aftur í Evrópu enda talsvert styttra ferðalag.
Miðasala á bardagakvöldið hefst þann 24. mars en áhugasamir geta skráð sig hér til að fá sérstakan forsölu kóða.
Bardagarnir fara fram í Ahoy-höllinni í Rotterdam en höllin tekur að hámarki um 15.000 manns í sæti.
