Í Föstudagstopplista vikunnar ætlum við að skoða tíu mest lesnu fréttir síðasta árs.
10. Einar Karl Arason – Fyrsti Íslendingurinn til að keppa í MMA
Einar Karl Arason er starfandi læknir í Iowa en hann er sennilega fyrsti Íslendingurinn til að keppa í MMA. Lesendur bentu okkur á Einar og fengum við hann í skemmtilegt viðtal.
9. Föstudagstopplistinn: Topp 10 óvenjulegustu atvikin í MMA
Þessi Föstudagstopplisti var afar vinsæll enda skemmtilegt viðfangsefni.
8. Gunnar Nelson hækkar um eitt sæti á styrkleikalista UFC
Eftir sigur Gunnars á Zak Cummings í Dublin í júlí fór Gunnar úr 13. sæti í 12. sæti á styrkleikalista UFC.
Fyrir bardaga Gunnars Nelson gegn Omari Akhmedov í London greindum við styrkleika og veikleika Akhmedov.
6. Hvar er hægt að horfa á Gunnar Nelson?
Áhuginn á bardögum Gunnars er alltaf mikill. Pennar MMA Frétta fá tíðar spurningar frá vinum og vandamönnum um hvar sé hægt að horfa á bardagann og því skelltum við eina grein sem svaraði þeim spurningum.
5. Myndband: Conor McGregor talar um æfingarnar á Íslandi og fleira
Conor McGregor dvaldi hér á landi í fjórar vikur fyrir bardaga sinn gegn Diego Brandao. Stuttu eftir að hann kom hingað meiddist upphaflegi andstæðingur hans, Cole Miller, og var MMA Fréttir með þeim fyrstu til að fá viðbrögð Conor við meiðslunum.
4. Auður Ómarsdóttir: Gunni vinnur alltaf alla í öllu
Auður Ómarsdóttir, unnusta Gunnars Nelson, var í skemmtilegu viðtali við okkur í aðdraganda bardaga Gunnars í Dublin.
3. Gunnar Nelson kominn í topp 15 í UFC
Eftir sigur Gunnars á Omari Akhemdov í London í mars komst Gunnar á topp 15 á styrkleikalista UFC í veltivigtinni. Frábær viðurkenning fyrir fremsta íþróttamann Íslands.
2. Myndband af rothöggi Magnúsar og ítarlegri lýsing á bardögunum
Þeir Magnús Ingi Ingvarsson, Bjarki Þór Pálsson og Bjarki Ómarsson komu sáu og sigruðu á AVMA bardagakvöldinu í Manchester í október. Þrír glæsilegir sigrar hjá strákunum og vöktu þeir mikla athygli – ekki síst glæsilegt rothögg Magnúsar.
1. Sam Elsdon: Að berjast við Gunnar breytti lífi mínu
Vinsælasta frétt ársins 2014 og vinsælasta frétt MMA Frétta frá upphafi. Sam Elsdon mætti Gunnari Nelson árið 2010 en í viðtalinu sagði hann að bardaginn hefði breytt lífi sínu. Viðtalið birtist í aðdragana bardaga Gunnars í Dublin en margir af helstu fréttamiðlum landsins vitnuðu í viðtalið.
Við þökkum kærlega fyrir lesninguna á síðasta ári og stefnum á að gera enn betur á þessu ári.
