Bellator 221 fór fram í gærkvöldi. Tveir mjög áhugaverðir bardagar voru þar á dagskrá og sáum við meðal annars Douglas Lima ná mögnuðum sigri.
Þeir Douglas Lima og Michael Page mættust í undanúrslitum í veltivigtarmóti Bellator í gær. Page sýndi ágætis takta í 1. lotu en Lima náði fellu án þess að ná að gera eitthvað mikið með felluna.
Í 2. lotu náði Page góðri hægri á Lima sem virtist vanka hann en nokkrum andartökum síðar sparkaði Lima Page niður. Þegar Page var á leið upp smellhitti Lima með upphöggi og rotaði Page.
??Unreal! @PhenomLima gets the KO early in round two at #Bellator221 and advances in the #BellatorWGP! pic.twitter.com/3vhedCedFm
— Bellator MMA (@BellatorMMA) May 12, 2019
Here's the mat view of Lima vs. Page. What impeccable, vicious timing. #Bellator221 pic.twitter.com/31dgycDtJD
— Kyle Johnson (@VonPreux) May 12, 2019
Douglas Lima er þar með kominn í úrslit í veltivigtarmóti Bellator eftir sigur á Page og Andrey Koreshkov. Þeir Rory MacDonald og Neiman Gracie mætast svo í seinni undanúrslitaviðureigninni í júní.
Í aðalbardaga kvöldsins mættust svo þeir Patricio ‘Pitbull’ Freire og Michael Chandler um léttvigtartitil Bellator. Freiri er ríkjandi fjaðurvigtarmeistari og var að fara upp til að skora á Chandler.
Bardaginn endaði með umdeildum hætti. Freire lenti yfirhandar hægri sem felldi Chandler. Freire fylgdi því eftir með höggum í gólfinu og Chandler snéri sér undan þar sem hann hreyfði sig ekki á meðan Freire hitti fleiri höggum sem gerði það að verkum að dómarinn stöðvaði bardagann. Chandler stökk strax upp og virtist í lagi eftir að bardaginn hafði verið stöðvaður. Niðurstöðunni verður þó ekki breytt og er Freire því nýr léttvigtarmeistari Bellator.
#Bellator221'in ana maçında Bellator tüy siklet şampiyonu Patricio Pitbull, Bellator hafif siklet şampiyonu Michael Chandler'i ilk rauntta nakavt etti ve iki siklette birden şampiyon oldu. pic.twitter.com/koANwsO7ue
— MMA Günlüğü (@mmagunlugu) May 12, 2019
