Aðeins 11 dagar er í UFC 202 þar sem Conor McGregor og Nate Diaz mætast. Nú er uppröðun bardaganna opinber og lítur bardagakvöldið ansi vel út.
Mikil tilhlökkun ríkir fyrir síðustu þrjá bardaga kvöldsins. Í næstsíðasta bardaga kvöldsins mætast þeir Anthony Johnson og Glover Teixeira en sú viðureign ætti að vera töluvert skemmtileg. Bardagi Rick Story og Donald Cerrone verður einnig afar áhugaverður og svo er Tim Means alltaf í skemmtilegum bardögum.
Á myndinni má sjá að Means á að mæta Sean Strickland en sá síðarnefndi er meiddur og kemur Sabah Homasi í hans stað.
Upphaflega átti Demian Maia og Carlos Condit að mætast á kvöldinu en sá bardagi var færður um viku og verður aðalbardaginn á UFC on Fox 21 í Kanada.
Lorenz Larkin og Neil Magny verður aðalbardaginn á Fight Pass en Magny mun freista þess að vinna sinn fjórða sigur í röð.
