Föstudagstopplistinn: 15 bestu glímumennirnir í MMA

Á föstudagstopplista vikunnar ætlum við að skoða 15 bestu glímumennina (og konurnar) í MMA. Hér er litið til afreka í glímuheiminum svo sem í BJJ, júdó eða glímu (e. wrestling) en ekki afreka þeirra í MMA. Fyrir þá sem ekki vita er ADCC sterkasta uppgjafarglímumót heims en þangað er aðeins þeim allra bestu boðin þátttaka.

 15: Chris Weidman (BJJ og Freestyle wrestling): UFC millivigtarmeistarinn hlaut All-American nafnbótina (á topp 8 í sínum þyngdarflokki) tvisvar á ferli sínum í háskólaglímunni og hefði getað komist á Ólympíuleikana að margra mati en meiðsli komu í veg fyrir það. Keppti á ADCC 2009, þá fjólublátt belti í BJJ þar sem hann stóð sig virkilega vel gegn einum besta glímumanni heims, Andre Galvao.

14. Sara McMann (Freestyle wrestling): Hennar stærsta afrek er sennilega silfurverðlaun hennar á Ólympíuleikunum í Aþenu 2004. Hafnaði í 2. sæti á úrtökumóti fyrir ADCC 2011 og hlaut silfur (2003) og brons tvisvar (2005 og 2007) á heimsmeistaramótinu í glímu. Glíma í kvennaflokkum er ekki eins hátt skrifuð eins og júdó kvenna og því er McMann ekki hærra á þessum lista.

Dean Lister

13. Dean Lister (BJJ): Tvöfaldur ADCC verðlaunahafi þar sem hann sigraði opna flokkinn árið 2003 og sinn flokk í Nottingham 2011. Hefur verið kallaður Babe Ruth glímunnar þar sem lífstýll hans er ekki dæmigerður fyrir atvinnu íþróttamann. Er sérfræðingur í fótalásum og hélt sérstakt fótalása námskeið í Mjölni í desember 2011. Barðist í Pride og UFC með ágætis árangri en snéri svo aftur í MMA árið 2012 með sigri (með fótalás að sjálfsögðu) í Cage Contender bardagasamtökunum.

12. Jeff Monson (BJJ og Freestyle wrestling): Keppti í NCAA Division 1 í bandarísku háskólaglímunni án þess þó að vinna einhverja titla. Hans helstu afrek komu í BJJ þar sem hann er tvöfaldur ADCC meistari og á fimm gullverðlaun frá stórum glímumótum.

11. Ricardo Arona (BJJ): Þrefaldur ADCC sigurvegari og er þrefaldur heimsmeistari í BJJ (sem brúnt belti og fjólublátt en aldrei sem svart). Barðist lengst af í Pride með góðum árangri og barðist aðeins einu sinni (2009) eftir að Pride lokaði dyrunum árið 2007. Lifir miklum glaumgosa lífstýl á strönd í Brasilíu þar sem hann kennir BJJ og stundar brimbretti.

10. Fabricio Werdum (BJJ): Tvöfaldur ADCC meistari í sínum þyngdarflokki og á fjóra heimsmeistaratitla auk fjölda annarra verðlauna í íþróttinni. Er einnig svart belti í júdó og virðist vera að toppa núna á sínum MMA ferli en hann er einum bardaga frá titilbardaga í þungavigtinni í UFC.

9. Dan Henderson (Greco-Roman wrestling): Var besti glímumaður Bandaríkjanna um árabil í sínum þyngdarflokki. Komst tvisvar á Ólympíuleikana, 1992 og 1996, án þess þó að vinna til verðlauna.

8. Demian Maia (BJJ): Einn besti gólfglímukappi í MMA í dag og hefur nýtt sér yfirburði sína í gólfinu gegn sterkum andstæðingum. Á fimm heimsmeistaratitla að baki og sigraði ADCC árið 2007 og var í öðru sæti 2005.

Ronaldo “Jacare” Souza

7. Ronaldo “Jacare” Souza (BJJ): Áttfaldur heimsmeistari (þrisvar sem svart belti) og sigraði sinn þyngdarflokk á ADCC árið 2005 en hafnaði í 2. sæti í opna flokknum. Hefur bætt sparkboxið sitt gífurlega á undanförnum árum og gæti barist um UFC titilinn í millivigtinni í náinni framtíð.

6. Daniel Cormier (Freestyle wrestling): Var í landsliði Bandaríkjanna í glímu sex ár í röð sem er ótrúlegt afrek og komst í undanúrslit á Ólympíuleikunum í Aþenu 2004. Hann komst einnig á Ólympíuleikana 2008 en keppti ekki vegna nýrnabilunar en niðurskurðurinn fyrir 96 kg flokkinn gerði honum erfitt fyrir. Átti engu að síður frábæran glímuferil og er enn ósigraður í MMA.

5. Roger Gracie (BJJ): Sigraði sinn flokk og opna flokkinn á ADCC 2005, á 10 heimsmeistaratitla og er einn besti BJJ kappi sem tekið hefur skrefið að MMA ferli. Ferillinn hans í UFC var stuttur en eftir að hafa tapað gegn Tim Kennedy var hann leystur undan samningi hjá UFC og er óvíst um framhaldið hans í MMA. Hefur ekki náð að nýta sér yfirburðar glímugetu sína á hæsta stigi MMA.

4. Ronda Rousey (Júdó): Hlaut brons á Ólympíuleikunum í Beijing árið 2008 og hlaut silfur á HM 2007. Júdó bakgrunnur hennar hefur nýst henni frábærlega þar sem hún er ríkjandi meistari í bantamvigt kvenna í UFC.

3. Mark Coleman (Freestyle wrestling): Bandaríkjameistari, silfurverðlunahafi á HM og fimmta sætið á Ólympíuleikunum 1992 gerir hann að einum besta glímumanni sögunnar í MMA. Var einnig meistari í Pride og UFC.

Matt Lindland með silfrið sitt.

2. Matt Lindland (Greco-Roman wrestling): Var í landsliði Bandaríkjanna fjögur ár í röð og hlaut silfur á Ólympíuleikunum árið 2000. Árið eftir hlaut hann einnig silfur á heimsmeistaramótinu þar sem hann keppti í þyngdarflokknum fyrir ofan sig.

Yoel Romero klárar fellu

1. Yoel Romero (Freestyle wrestling): Sigraði HM fimm sinnum og fékk silfur á Ólympíuleikunum í Sidney 2000 þar sem fyrirfram var búist við sigri Romero. Hefur ekki náð að nýta sér sína yfirburðar glímugetu í MMA þar sem minni spámenn eins og Derek Brunson hafa tekið hann niður en er þrátt fyrir það skemmtilegur bardagamaður í millivigtinni í UFC.

Aðrir sem voru nálægt því að komast á lista: Gunnar Nelson, Mark Kerr, Renzo Gracie, Ben Askren, Johny Hendricks.

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í einhver ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Latest posts by Pétur Marinó Jónsson (see all)

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill